Bara árinu eldri…

Sælt veri fólkið….. og takk fyrir afmælisóskirnar.

Afmælisdagurinn var bara ágætur, þó að ég var pínu þunn. Daginn áður fékk ég loksins leyfi til að flytja í nýja íbúð þannig að ég fór ,,snemma” á fætur og flutti inn til Hönnu. Svo fékk þá ánægju að fara í vinnuna fram eftir nóttu:-) Ég fékk líka pakka frá mömmu og nönnu með smá glaðningi í!!! Það er alltaf gaman.

Annars er voðalega lítið að frétta af mér. Ég er bara búin að vera á fullu í vinnunni og í skólanum……. á mánudaginn fer ég svo aftur í þjálfun, í þetta skipti fyrir concierge.
Mér líkar bara ágætlega vel í vinnunni, fólkið sem ég er að vinna með er flest allt yndislegt og starfið er skemmtilegt.

Eins og ég sagði þá hef ég ekkert að segja, vildi bara láta ykkur vita að ég er á lífi.
kossar og knús
Óskin

Gæti ekki verið ánægðari

Ég fékk alveg æðislegar fréttir í dag:-) Ég náði öllum prófunum mínum sem þýðir það að ég get haldið áfram í skólanum og vinir mínir í LÍN lána mér smápening….. Ég er búin að kvíða fyrir þessum degi síðan ég kom hingað og þegar ég sá E-mail frá skólanum mínum vildi ég varla opna það!!!! En allt gékk vel.
Það sem kom mér mest á óvart voru prófin sem ég tók á meðan ég var veik. Þannig er mál með vöxtum að tvö síðustu prófin voru á mánudegi og þriðjudegi og helgina fyrir tókst mér ekki betur en að fá þennan líka svakalega magavírus…… með honum fylgdi hiti og aumingjapestin sem þýddi að ég gat varla lært. En það heppnaðist ekki betur en ég fékk 90% og 95% í þessum prófum. Meðaleinkun mín þessa önn er 85% og ég er nokkuð viss um að þetta er hæsta meðaleinkunin mín síðan í grunnskóla.

En nóg með það….. ég hef fleiri góðar fréttir. Helga Dögg eignaðist prinsessuna sína í síðustu viku. Loksins fjölgaði aðeins í fjölskyldunni minni!!!! Ég er bara búin að sjá myndir af henni en hún er algjör dúlla og það er ssssvvvvvoooooooo augljóst að hún er dóttir hennar Helgu Daggar:-)

Svo fékk ég að vita það að Ida, herbergisfélagi minn í IHTTI, getur fengið mig í heimsókn……. til Cancun!!!!! YEAH, I AM GOING TO CANCUN!!!!!!!
Hanna, íslenska stelpan hér, á afmæli í byrjun mars þannig að við ætlum að splæsa flugi á okkur í afmælisgjöf:-) Stuð Stuð Stuð….

Af einhverri ástæðu þá er ég ekki búin að taka eina einustu mynd síðan ég kom hingað…. ég held að það er eitthvað að mér!!!! En ég lofa að laga það og setja myndir inn á facebook og á bloggið. Ég er bara búin að vera á fullu í þjálfun og á miðvikudaginn er síðasti dagurinn minn með þjálfara við hliðina á mér og eftir það verð ég ein á kassanum. Svo eftir ca. 3 vikur fer ég í þjálfun fyrir concierge.

En ég ferð að kveðja núna því Hanna var að hringa og ég átti að vera komin til hennar í bjór fyrir langa löngu

kossar og knús frá sólinni.

Óskin

Living in Orlando

úúúúúúúpppppppssssssss, búin að vera SVOLDIÐ löt að blogga síðan á síðasta ári. ég biðst afsökunar á því. En hér koma fréttir af mér….
Í byrjun janúar fór ég aftur til Neuchatel til að klára önnina. Þar tók ég lokaprófin og skemmti mér með vinunum áður en við færum í burtu í marga mánuðin. Það var alveg ógeðslega erfitt að segja bæ við þau….. og mig hlakkar geðveikt til að sjá þau aftur í september.
EN eftir langt ferðalag, þar á meðal tvær nætur í London, þá er ég loksins til Orlando. Ég þurfti að stoppa í Atlanda og ég fékk bara klukkutíma á milli fluga til að koma mér í gegnum tollinn og komast í aðra flughöfn. Það munaði ekki miklu að ég missti af vélinni. Þegar ég kom þangað sem á að búa þurfti ég að skrá mig inn í íbúðina og bíða svo í heillangan tíma að komast inn í hana. Málið er að hér eru 4 ,,hverfi” sem starfsmenn Disney búa í og þau eru ekki það nálægt hvor öðru. Í þessum hverfum búa rétt tæplega 7.200 manns!!!!! Það er ekkert smá mikill fjöldi og meirihlutinn er frá Kína og spænsku mælandi landi. Ég hef 3 herbergisfélaga, 2 frá Kína og 1 frá Belize (veit ekki íslenska nafnið) og þær eru að gera mig gráhærða. Ég ætla að biðja um flutning því ég get ekki búið með þessum stelpum í 6 mánuði……
Ég kynntist íslenskri stelpu hér og hún er einnig að læra í Sviss. Það er æðislegt að geta talað íslensku aftur, þá er líka minni líkur á því að fólk geri grín af mér þegar ég kem heim með hræðilega íslensku.
Fyrstu dagarnir hér voru fullir af námskeiðum og þjálfun. Ég þurfti að skrá mig í skólann, kynnast kennurum, læra á vinnuna, kynnast Disney betur og koma mér fyrir hér. Á morgun er alvöru fyrsti vinnudagurinn minn, hingað til er ég bara búin að vera inni í skólastofum að læra á tölvukerfi og fleira. Ég á að vinna á All Star resorts, það eru 3 all star resorts: Movies, Music og Sport. ég mun svo hoppa á milli hótelanna.

Ég fékk góðar fréttir í dag…… Helga Dögg eignaðist litla prinsessu í dag:-) Sem þýðir að ég er orðin frænka!!!! En ég held að engin hafi haft rétt fyrir sér með fæðingardaginn….. ég veðjaði á 18. febrúar.

Ég er búin að vera á fullu að gera ekki neitt siðustu 2 vikur þannig að það er ekki mikið sem ég get sagt ykkur. En ég LOFA að láta ekki líða mánuð áður en ég blogga aftur.

kossar og knús
Óskin

Senn koma jólin

Ég vil nú bara biðjast afsökunar á bloggleysinu mínu…. ég er bara búin að vera á fullu í skólanum og reyna að missa ekki vitið:-)
Stærsta frétti héðan er að ég kem heim eftir 3 DAGA!!!!!!! Vá hvað mig hlakkar til:-) Ég er að alveg að ,,fíla” mig í þessum skóla og þessu námi en að búa, borða, fara í tíma og læra með sama fólkinu alla daga í marga mánuði getur gert mann gráhærðan…… en ég tek þessu öllu með ZEN.

Í endanum á nóvember fórum við í skólaferð til Interlaken og sáum einhverja glerverksmiðju. Jú, þetta var merkilegt en 10 tíma ferðalag sem samanstóð af rútuferð, verksmiðju og ísjökulkuldai er ekki eitthvað sem ég kalla skemmtilegur uppæifun….. og það versta var að við þurftum að vera í skólaklæðnaðinum sem samanstendur af sokkabuxum, pils, skyrtu og svörtum lágum skóm. En ég lifði þetta af:-)

Í síðustu viku fór ég svo í bandaríska sendiráðið í Bern til að fá vegabrefsáritun fyrir Orlando. Við fórum 3 stelpur úr skólanum og þar sem við áttum viðtalstíma klukkan 10:30 þá vorum við komnar þangað um tíu leytið. Eftir 2 öryggisskoðanir biðum við inni í pínulitlu herbergi með 30 manns í 3 tíma!!!!! Þegar við vorum LOKSINS búnar þar inni vorum við svo svangar og það fyrsta sem við sáum var Burger King….. ég get með sanni sagt að borgararnir þar eru EKKI góðir.

Ég fór í próf í Cost Control (bein þýðing er kostnaðar áætlun) í síðustu viku og ég fékk 100 % í því prófi….. okey, eg monta mig af því en sannleikurinn er sá að þetta próf var svo létt að 5 manns fengu 100% og flest allir fengu á milli 80 og 96% en það voru sumir sem féllu.

Ég er búin að versla flest allar jólagjafirnar, en á morgun fer ég í búðir til að klára þetta áður en ég kem heim.

Ég er búin að fara nokkrum sinnum á djammið þessa önnina og nú ætla ég að taka pásu frá vodka-red bull….. ég held að líkaminn minn taki ekki meira af þessum bölvaða drykk. En hann er samt góður:-) hehehehehehe

Annars er voðalega lítið að frétta af mér…… næst þegar þið heyrið í mér þá verð ég komin heim á klakann. Ef ég sé ykkur ekki þá segi ég bara gleðileg jól og farsælt komandi ár

Hátíðarkveðjur
Óskin

Bara Frábær Helgi!!!

Hæ hvað segist hjá fólkinu??

Nú er ég endalega búin með öll próf á þessu ári, lokaprófin í endann á önninni í janúar:-) Mér gékk bara ágætlega í prófunum, fyrir utan Wine&Bar.

Ég skil ekki akkuru helgar eru svona fljótar að líða… áður en maður veit af þá er komin mánudagur aftur:-( Mánudagur er ekki uppáhaldsdagurinn minn og kennararnir þurftu að rugla honum upp. Við vorum með svo góða stunda töflu…. bara einn tími á mánudögum og hann var klukka 4. En, NEI, þeir þurftu að breyta töflunni og setja tíma klukkan 8 á mánudagsmorgni!!!!! Ég er ekki ánægð með það en þetta er bara út nóvember… sem betur fer.

Helgin hjá mér var alveg æðisleg!!!!!! Á föstudaginn horfði ég og nokkrar stelpur á myndir, Dumb&Dumber og Hitman:-) Við skemmtum okkur alveg konunglega!!!!

Svo á laugardaginn fór ég, Ida, Monica, Veronica, Evelina og Debbie til Genf í smá stelpuferð. Við gistum á hostelli, versluðum, kíktum í bíó og skoðuðum borgina. Það besta við þessa ferð var að komast í burtu frá skólanum í smástund. Við fórum á Bond, James Bond í bíó og ég verð bara að segja að ég var ekki ánægð. Þeir slepptu Q, Miss Moneypenny, Vodka Martini shaken not stirred og öllu daðrinu á milli Bond og kvennanna!!!! Hvað er eiginlega málið??? Og það versta var að Bond sagði ekki ,, My names is Bond, James Bond” einu sinni í allri myndinni. Ég er ekki ánægð með nýja Bondin.

Stelpurnar drógum mig á Japanska veitingastað og ég verð bara að segja að það var mjög gott. Eina skiptið sem ég hef borðað Sushi áður var eitthvað sem pabbi keypti i Hagkaup og það er hundamatur miðað við þetta líka æðislega sushi sem ég fékk:-)

Við skelltum okku einnig á kínverskan stað… við ákváðum að hafa smá austrænan matseðil þessa helgi

Hér er hópmynd af okkur borða kínverska matinn:-)

Annars er voðalega lítið að frétta héðan í Sviss…
Læt heyra í mér fljótlega
kossar og knús
Óskin

fjúff…. ég lifði það af

Heeelllllóóó

vá hvað það er gott að það sé komin helgin….. það þýðir nefnilega að ég lifði af miðannarprófin. Síðasta prófið mitt var Wine&BAr Knowlegde i gær og það var ekkert smá erfitt!!! Allir komu út skellihlægjandi því enginn hafði hugmynd um hvað kennararinn var að tala um. Mikið var um þreytu í skólanum en það stoppaði samt ekki fólk til að detta rækilega í það. Ég var samt gáfuð og horfði bara á bíómyndir allt kvöldið, fyrst á dagskrá var P.S. I Love You (allir voru hágrátandi yfir henni) og svo var það Wanted (Aðeins meira spenna en fyrri myndin). Í dag ætla ég bara að taka það rólega og njóta þess að gera EKKI neitt, en ef ég þekki mig rétt þá fer mér að leiðast þegar kvöldatekur.

Ég hef fengið nokkrar spurningar um Orlando. Ég fer þangað í endann á janúar 2009, því miður kem ég ekki heim í millitíðinni. Ég get því miður ekki boðið upp á gistingu þar sem ég mun búa því það er lokað fyrir gesti. EN ég fæ 50% afslátt af gistingu hjá disney fyrir vini og vandamenn auk fría miða inn í garðinn. Þannig að það er eitthvað í boði ef fólk kemur að heimsækja mig:-)

Annars er ekki mikið meira í fréttum
Ég bið að heilsa öllum heima á klakanum
Bara 6 vikur þar til ég kem heim:-)
kossar og knús
Óskin

Seint blogga sumir, en blogga þó…

Hæ hæ elskurnar mínar….

Ég biðst afsökunar á því að ég er ekki búin að blogga í þónokkurn tíma. Það er samt ekki mikið búið að gerast síðan síðast…..
Þetta kemur örugglega ekki á óvart en mér tókst að slasa mig eina ferðina enn, í þetta skipti gerði ég eitthvað við liðbandið í langaputta og þurfti að vera með spelku í viku.

Það var svo yndislegt að vera ein heima á meðan Ida fór til Finnlands. Tónlistin var í botni, alltaf opið inn á baðherbergi og ég gat gert hvað sem ég vildi…. eða svona næstum því:-) En litla barnið inni í mér þorði ekki að sofa með slökkt ljósið á meðan hún var í burtu, hehehehehe, þannig að ég skildi eftir ljós á ganginum.

Ég fór á McDonalds um daginn og þeir eru með risaskjá sem er alltaf stilltur á íþróttir. Á meðan ég var í röðinni leit ég upp á skjáinn og viti menn, var ekki barasta íslenska kvennaliðið okkar að spila við íra (ég held það allavegna). Vá, það virðist vera allveg SVAKALEGA kalt heima… ekki öfuna ég ykkur:-) Hér verður samt kaldara með hverjum deginum og um daginn kom smá slydda. Vinkona mín sem er frá Indónesíu var allveg gagntekin af þessu hvíta sem kom af ofan, hún hefur nebbla aldrei séð snjó áður.

Hluti af skólanáminu er að fara í starfsnám í 4-6 mánuði og ég er að fara til Disney í Orlando. Ég fékk vinnu þar sem Lobby Concierge, er ekki alveg viss um hvað það er en það á víst að vera mjög skemmtileg vinna. Ég fer þangað þegar skólanum líkur í janúar og verð þar fram til ágúst. Það verður spennandi að athuga hvernig þetta starf verður.

Í gær var svo halloween og flest allir klæddu sig í galla og drukku fram á rauða nótt. Þannig er mál með vöxtum að allir árgangarnir þurftu að skila heldur stóru verkefni í gær og svo byrja prófin fljótlega þannig að við tókum eitt kvöld til að ,,chilla” eins og sagt er á góðri íslensku:-) Ég klæddi mig upp sem norn og ég get nú sagt að ég var heldur ofríð og hræðileg norn. Ég mun allavegna ekki setja mynd af mér inn:-)

En nú ætla ég að kveðja í bili
kossar og knús
Óskin

Alltaf á fullri ferð

Helló

Hvað er að frétta af klakanum??? Héðan er allt gott að frétta…… fyrir utan það að ég er alveg auralaus og þar sem allt er í hakki heima þá er ekki möguleiki fyrir mig að nota kortin mín:-) Maður getur ekki annað en hlegið í svona aðstæðum.

Á laugardaginn fyrir viku síðan átti Evelina afmælið og við hélduð Surprice veislu fyrir hana. Við vorum um 15 manns úr bekknum mínum og við keyptum gjöf og afmæliskleinuhring handa henni. Henni brá svo svakalega þegar hún kom inn í herbergið að hún hoppaði í loftið og klessti svo á vegginn. Það var svo fyndið:-)
Daginn eftir leigði ég og 8 aðrir krakkar tvo bíla og keyrðum til Luzern sem er í ca. 2 klukkutíma fjarlægð frá Neuchatel. Okkur tókst að villast aðeins í borgunni, fengum okkur pizzu og skelltum okkur svo á tónleika með finnskum hljómsveitum, Lapko og Disco Ensemble. Það besta við þessa ferð var að ég fékk að keyra og það var algjört stuð….. sérstaklega á hraðbrautinni. Ég var svoldið stressuð í byrjun en þegar ég var byrjuð að keyra á 140 þá fékk ég þvílíkt adrenalín-stuð.

Ég að keyra bílinn:-)

Kennararnir eru nú að fara að byrja á að henda á okkur verkefnum og prófum….. síðasta vika var heldur þung og það lítur út fyrir að þessi vika verður enn erfiðari. Eftir 2 vikur verða svo miðannarprófin og þá byrjar sko stuðið:-)

Núna um helgina var svo íþróttadagur á milli nokkurra skóla í Sviss og hann var haldin í Leysin uppi í Ölpunum. Á laugardaginn var því ræs klukkan 6 um morgunin, beint upp í rútu og ferðalagið hafið. Flest allir, þar á meðal ég, fóru á barinn kvöldið áður þannig að við hrutum í kór á leiðinni. Ég hef stundum sagt að Neuchatel er heldur lítill og þögull bær en Leysin er DAUÐUR bær!!!! Þar sem ég of nokkrir aðrir krakkar tókum ekki þátt i keppninni þá byrjuðum við á því að labba aðeins um bæinn, fengum okkur crépe og lékum svo cheerleaders fyrir skólann okkar. Eftir hádeigið fengum við svo tækifæri á því að fara á skauta.
Eins og venjulega þá tókst mér að slasa mig….. ég skil bara ekki hvernig mér tekst að slasa mig ALLTAF!!!!!!

Næstu helgi fer Ida, herbergisfélagi minn, heim til Finnlands í 4 daga og ég fæ að vera ein heima:-) hehehehehehe

Allavegna…….. nú þarf ég að fara og hitta F&M hópinn minn til að vinna í verkefni, JÍBBÍ!!!!

Bara allt hvítt heima á klakanum

Hæ elskurnar mínar

Ég skelli mér af klakanum í nokkra mánuði og allt verður skrítið!!!! Íslenska krónan fellur eins og ég veit ekki hvað og svo byrjar að snjóa…… í október!!!!!! Ég man ekki eftir snjó á þessum tíma árs síðan ég var pínulítil……. Það er þá eins gott að ég fái hvít jól:-)

Síðastu helgi var Fete de Vintage, vona svo innilega að ég sé að skrifa þetta rétt, en það er á góðri íslensku kallað vínhátíð. Þetta var ekkert annað en eitt stórt fyllerí. Ég var að vinna á laugardeginum þannig að ég tók það bara rólega á föstudeginum en svo var djöflinum leyst á laugardeginum og ég skemmti mér konunglega!!!! ,,Maðbærinn” var troðfullur og það var búið að setja upp fullt af básum sem seldi mat, áfengi, nammi, áfengi, dót eða áfengi…… Svo labbaði maður bara um, skellti sér í tívolíið sem var sett upp fyrir helgina og djammaði fram á rauðan morgun. Heilsan var ótrúlega góð á sunnudeginum, ég labbaði um bæinn, sá endann á hátíðinni, setti í þvottavél og náði upp heimalærdóminn sem ég setti á hakann fyrir helgina. Ég gerði ,,allt” þetta á meðan ég var að ganga í gegnum þynnkuna…..

Það er alveg ótrúlegt hvað tíminn liður hratt hér, mér finnst eins og það sé þriðjudagur en í rauninni er föstudagur og aftur komin helgi:-) Evelina, ein stelpa hér, á afmæli á morgun og í tilefni af því ætlum við að gera eitthvað skemmmtilegt og nýtt, vorum að spá í að skella okkur útúr bænum en þar sem hún er að vinna til 8 þá veit ég ekki hvort eitthvað verður úr því.
Svo á sunnudaginn ætla ég og hópur af krökkum að leigja tvo bíla, keyra til Lousanne, eyða þar deginum og fara svo á tónleika með finnskri hljómsveit um kvöldið….. Það verður örugglega mjög gaman!!!!

Af einhverji ástæðu fór ég að telja niður áðan og það eru AÐEINS 11 vikur þar til ég kem heim….. það þýðir líka að það bara 11 vkur og 5 dagar til jóla:-)

Meiri fréttir af mér seinna
kossar og knús
Óskin

Just my luck!!!!

Sælt veri fólkið….

Ég skil bara ekki hvernig mér tekst alltaf að komast í ótrúlegustu aðstæður. Eins og ég sagði ykkur síðast þegar ég bloggaði þá er ég búin að vera hálf slöpp og kvefuð síðustu viku og svo missti ég alveg röddina um helgina. Ekki málið, ég tók það bara rólega, drakk mikið af heitu tei og var bara inni. Svo á mánudaginn var mér byrjað að líða betur og það sem var enn betra þá voru engin kennsla þann dag.
Seinni partinn ákvað ég og þrjár aðrar stelpur að skella okkur til Bern, við tókum lestina og vorum komnar þangað rúmlega 5. Við skoðuðum aðeins bæinn, fengum okkur ógeðslega góða pítsu og skelltum okkur svo í bíó á Mamma Mia. Bíóið var búið kl. 10.30 og við rétt misstum af lestinni til Neuchatel en sem betur fer átti ein lest að fara heim rétt fyrir miðnætti og það var síðasta lest kvöldsins. Við fengum okkur heitt kakó á McD á meðan við biðum og hoppuðum svo upp í lestina. Rétt áður en ég steig um borð spurði ég einn vörðinn hvort lestin væri ekki örugglega að fara til Neuchatel. ,, Ja, nach Neuchatel” var svarið sem ég fékk. Í lestinni spurði Lulu miðavörðinn hvort lestin færi til Neuchatel og hún fékk sama svar.
Þarna sátum við í sþónokkurn tíma og eftir 40 mín. ferðalag stoppar lestin, allir fara út og miðaverðirnir setjast niður og tala saman. Okkur fannst þetta eitthvað furðulegt þannig að við spurðum þá og þá kom þessi hryllingssvipur á þá og einn maðurinn segir að við áttum að skipta um lest á síðasta stoppi. Við vorum sem sagt fastar In The Middle Of Nowhere!!!! Það eina sem við gátum gert var að fara aftur til Bern og bíða eftir fyrstu lestinni morgunin eftir. Ekki mín hugmynd að skemmtun en það gerðum við. Við fundum bar sem var opin til 3:30 en eftir það þurftum við að sitja inni í lestarstöðin með hasshaus sem var alltaf að abbast upp á okkur og stórfurðulegum gaur sem labbaði í hringi. Það var ísjökulkuldi inn á stöðinni og nóttin ætlaði aldrei að líða.
Klukka 5.37 lagði svo blessaða lestin af stað til Neuchatel og við komum heim rétt fyrir morgunmat. Ég var ekki heppnari en svo að eftir þessa nótt var ég komin með bullandi hita og röddin farin aftur, ég var rekin upp i rúm og sagt að vera þar þennan dag.
Ég lærði það í þessari blessaðri ferð að taka ekki síðustu lest kvöldsins aftur.

En ég held að það sem drepur þig ekki gerir þig bara sterkari.

Ég var svo að fá pakka í dag frá mömmu, í honum var t.d. skórnir mínir:-) Fallegu skórnir sem ég var farin að sakna…..

Um helgina er svo Vínskemmtun hér í Neuchatel. Þetta er árlegur viðburður og er í stuttum orðum eitt stórt djamm!!!! Fólk í bænum er búið að vinna hörðum höndum að gera allt tilbúið fyrir helgina og nú er búið að setja upp risastór tjöld við vatnið, fyrirtæki sjá um þessi tjöld og þar er vín og bjór seld frá klukkan 6 í kvöld til miðnættist á sunnudaginn. Þetta er sem sagt tveggja sólarhringa drykkja.
En þar sem ég þarf að vinna í skólakaffeteríunni í fyrramálið þá ætla ég bara að taka það rólega í kvöld og fara frekar í bæinn eftir vinnu á morgun.

En meira um það seinna. Ég hef ekki meira að segja í þetta skipti.

kossar og knús til allra

Óskin